नर्मदाष्टकम्

सबिन्दुसिन्धुसुस्खलत्तरङ्गभङ्गरञ्जितंद्विषत्सु पापजातजातकारिवारिसंयुतम्कृतान्तदूतकालभूतभीतिहारिवर्मदेत्वदीयपादपङ्कजं नमामि देवि नर्मदे

SabindusindhususkhalattarangabhangaranjitamDwishatsu papajatajatakarivarisamyutamKritantadutakalabhutabhitiharivarmadeTwadiyapadapankajam namami devi narmade

त्वदम्बुलीनदीनमीनदिव्यसम्प्रदायकंकलौ मलौघभारहारिसर्वतीर्थनायकम्सुमच्छकच्छनक्रचक्रवाकचक्रशर्मदेत्वदीयपादपङ्कजं नमामि देवि नर्मदे

TwadambulinadinaminadivyasampradayakamKalau malaughabharaharisarwatirthanayakamSumachchhakachchhanakrachakravakachakrasharmadeTwadiyapadapankajam namami devi narmade

महागभीरनीरपूरपापधूतभूतलंध्वनत्समस्तपातकारिदारितापदाचलम्जगल्लये महाभये मृकण्डुसूनुहर्म्यदेत्वदीयपादपङ्कजं नमामि देवि नर्मदे

MahagabhiranirapurapapadhutabhutalamDhwanatsamastapatakaridaritapadachalamJagallaye mahabhaye mrikandusunuharmyadeTwadiyapadapankajam namami devi narmade

गतं तदैव मे भयं त्वदम्बु वीक्षितं यदामृकण्डुसूनुशौनकासुरारिसेवितं सदापुनर्भवाब्धिजन्मजं भवाब्धिदुःखवर्मदेत्वदीयपादपङ्कजं नमामि देवि नर्मदे

Gatam tadaiva me bhayam twadambu vikshitam yadaMrikandusunushaunakasurarisevitam sadaPunarbhavabdhijanmajam bhavabdhiduhkhavarmadeTwadiyapadapankajam namami devi narmade

अलक्ष्यलक्षकिन्नरामरासुरादिपूजितंसुलक्षनीरतीरधीरपक्षिलक्षकूजितम्वसिष्ठशिष्टपिप्पलादिकर्दमादिशर्मदेत्वदीयपादपङ्कजं नमामि देवि नर्मदे

AlakshyalakshakinnaramarasuradipujitamSulakshaniratiradhirapakshilakshakujitamVasishthashishtapippaladikardamadisharmadeTwadiyapadapankajam namami devi narmade

सनत्कुमारनाचिकेतकश्यपात्रिषट्पदैःधृतं स्वकीयमानसेषु नारदादिषट्पदैःरवीन्दुरन्तिदेवदेवराजकर्मशर्मदेत्वदीयपादपङ्कजं नमामि देवि नर्मदे

SanatkumaranachiketakashyapatrishatpadaihDhritam swakiyamanaseshu naradadishatpadaihRavindurantidevadevarajakarmasharmadeTwadiyapadapankajam namami devi narmade

अलक्षलक्षलक्षपापलक्षसारसायुधंततस्तु जीवजन्तुतन्तुभुक्तिमुक्तिदायकम्विरिञ्चिविष्णुशंकरस्वकीयधामवर्मदेत्वदीयपादपङ्कजं नमामि देवि नर्मदे

AlakshalakshalakshapapalakshasarasayudhamTatastu jivajantutantubhuktimuktidayakamVirinchivishnushankaraswakiyadhamavarmadeTwadiyapadapankajam namami devi narmade

अहो धृतं स्वनं श्रुतं महेशकेशजातटेकिरातसूतबाडबेषु पण्डिते शठे नटेदुरन्तपापतापहारि सर्वजन्तुशर्मदेत्वदीयपादपङ्कजं नमामि देवि नर्मदे

Aho dhritam swanam shrutam maheshakeshajatateKiratasutabadabeshu pandite shathe nateDurantapapatapahari sarwajantusharmadeTwadiyapadapankajam namami devi narmade

इदं तु नर्मदाष्टकं त्रिकालमेव ये सदापठन्ति ते निरन्तरं न यान्ति दुर्गतिं कदासुलभ्यदेहदुर्लभं महेशधामगौरवंपुनर्भवा नरा न वै विलोकयन्ति रौरवम्

Idam tu narmadashtakam trikalameva ye sadaPathanti te nirantaram na yanti durgatim kadaSulabhyadehadurlabham maheshadhamagauravamPunarbhava nara na vai vilokayanti rauravam